Manmaw Saradaw Ginwang kata hta ra ahkrak ladawn ai lam ni nga ai majaw, Ding Sing Jau Aseng Lana Zup Ja Yang mare San Luka nawku htingnu e 2020 ning May shata praw 3 ya jahpawt 10:00 AM hta jau htawt sit ai Missa hkungga hpe galaw hpang nna, 11:30 AM hta ngut ai hte rau jau ningnan hkalum la ai lamang ni hpe matut manoi galaw la lu sai. Ding Sing Jau Aseng up jawng dung Wajau John Zau Yaw a shara hta ningnan e San Joseph shalat jawng up Wajau Sunday Awng hku nna jau ginwang up aya hpe matut gunhpai na matu ga sadi hkam la sai. Wajau Yung Wa, Wajau Michael Lung Wa, Wajau Columban Lar Di hte Tarahkaw Sara, Mungbawng hpung, Brother Zau Doi hte hpung masha (50) daram ma sa shanglawm sai.