2019 ning April shata praw 7 hte 8 ya ni hta Jau nta ningnan shaman ai hte N-gun Shaja Sakramentu jaw ai Missa hkungga ni hpe Manmaw Saradaw Ginwang up Wa Saradaw Raymond Sumlut Gam, N-mauk hte Sinlum Jau Ginwang up Wajau Paul Lahpai Aung Dang, Shawa matut mahkai ningbaw Wajau Paschal Hpawdau Tu Ja, Manmaw Saradaw Ginwang ginjaw rung Amu Madu Wajau Francis Saw Phay Han, Wunpawng Brother 2, Nu Ma Ma 4 hte rau hpung masha (150) jan shanglawm ai.

Missa hkungga ni hta ma ni (12) Chyoi pra hkum nnan la ai hte, masha marai (48) N-gun Shaja Sakramentu hkam la lu sai. Missa ngut ai hte rau 12:00 AM hta Jau nta ningnan hkalum la sai. Dai hpang Sinlum Jau Ginwang hpung masha ni yawng a malai Tara hkaw Sara Naw Sa kaw na chyeju dum ga shaga ngut ai hpang Wajau Aung Dang hku nna mung sadu lawm ai yawng hpe chyeju dum mungga gadun mi tsun mat ai hte rau lamang hpe shangut shakre la sai.