Deacon Francis Maran Aung Seng Naw gaw 2019 ning March shata praw 26 ya shani e Momauk Jau Ginwang Chyenan lawk hta gaw de da ai San Patrick nawku jawng hta Manmaw Saradaw Ginwang Up Wa Saradaw Raymond Sumlut Gam a lata hta htani htana jau aya hpe hkam la sai.

Jau shatai Missa hkungga kaba hta Myitkyina Saradaw Ginwang Up Wa Saradaw Francis Daw Tang, Myitkyina Saradaw Ginwang kaw na Jau (3), Manmaw Saradaw Ginwang kaw na (23), Deacon Naw Grawng, Wunpawng Brother (7), Nu Mama marai (19) hte rau hpung masha (1000) jan daram sa shang lawm masai.

Manmaw Saradaw Ginwang Up Hkawp Wa Saradaw Raymond Sumlut Gam kaw nna htani htana Jau ningnan tai wa ai Wajau Francis Maran Aung Seng Naw hpe Jau tai sai shagrau laika pa hte rau bungli shatsam ai.