2020 ning May shata praw 23 ya shani hta Manmaw Saradaw Ginwang Up Saradaw a malai Jau Kaba John Jangma Yung Wa hku nna woi awn shang lawm let Saradaw Ginwang Ramma Ningbaw galai ai lam lamang hpe galaw la lu sai. Lai wa sai aten hta Manmaw Jau Aseng ningtau jau lit magam hte Saradaw ginwang Ramma ningbaw galaw lai wa sai Wajau Columban Lar Di kaw nna ya aten Manmaw Jau Aseng ningtau jau lit magam gun hpai taw nga ai Wajau Francis Maran Awng Seng Naw hpe ndai lamang hta sa du shang lawm ai Jau Aseng shagu de na Ramma ningbaw, Jau, Mama ni marai (11) a man e lit magam hpe tara shang ndau shatsam up jaw ya sai.