2020 ning May shata praw 30 ya jahpawt hta Wa Saradaw Raymond Sumlut Gam hku nna woi awn shang lawm galaw ai Missa hkungga ngut ai hte rau Saradaw ginwang kunhting jum ai lit magam galai ai lamang kadun hpe galaw lai wa sai. Ndai lamang hta nnan e Saradaw ginwang kunhting jum ai Wajau Noel Relly Dawla shara hta lai wa sai aten Laiza Jau Aseng ningtau jau lit magam hpe gun hpai ai Wajau Matthew Mwihpu Grawng Naw hku nna Saradaw, Missa hta shang lawm ai jau manang ni a man e tara shang matsing laika pa hta myit hkrum ai masat masa hku ta masat seng htu sai.