2020 ning February shata 25-26 ya shani hta Manmaw Saradaw Ginwang Amyu shayi hpung ni a shawng lam masing hte seng ang ai zuphpawng kaba hpe Jau nta zuphpawng gawk hta galaw lai wa sai. Ndai zuphpawng kaba hpe atsawm rai ngut kre ai du hkra galaw karum ya ai ni gaw: Wajau Francis Saw Phay Han, Wajau Stephen Zaw Myin Latt, Shy. Lenette, Shd. Michael, Slg. Naw Din hte KMSS-BANMAW kaw nna marai mali ma shanglawm garum sai. Zuphpawng hta Jau Ginwang shagu na Amyu shayi adat kasa marai lahkawng hte lak san saw shaga da ai hpaji jaw salang ni hte nga yang yawng marai (50) jan rai nga ai.